LAOAG CITY – Mangrugin inton Hulio 26 ti pannakaipatungpal ti umuna a tranche wenno inisyal a P60 ti P85 a nayon ti sueldo ti Metro Manila basar ken ni Labor Secretary Francis Tolentino.
Maipalagip a maipatungpal koma ti umuna a tranche daytoy idi Hulio 19 ngem naitantan ti dua nga aldaw ti publication date gapu iti dakes a panawen.
Inlawlawag pay ni Tolenino nga epektibo ti wage order iti 15 nga aldaw kalpasan a nairuar iti pagwarnakan.
Inrakurakna a mabenepisiaran pay ti nayon ti sueldo dagiti agsusueldo iti nangatngato ngem minimum wage no sadinno mabalin nga i-adjust wenno ingato ti sueldoda babaen ti collective bargaining agreements (CBA) ngem no awan ti collective bargaining agreements, ti employer ti direkta a mangingato ti sueldo kadagiti empleadona.
Kabayatanna, manamnama a maipatungpal ti maikadua a tranche wenno ti P25 a nayon ti sueldo inton Enero 20, 2027.
Iti agdama, maisaysayangkat ti konsultasion mainaig iti pannakaipangato ti sueldo dagiti rehion iti ruar ti Metro Manila kas ti Region 4A (Calabarzon), Region 3 (Central Luzon) ken Region 7 (Central Visayas).
