LAOAG CITY – Simmungbaten ni Senador Alan Peter Cayetano iti naipila nga obstruction of justice kontra kenkuana mainaig ti panaglibas ni Senador Ronald Bato dela Rosa manipud iti Senado idi Mayo 14, segun iti Office of the Ombudsman.
Kinumpirmaran met ti Ombudsman a nakaawat daytoy ti counter-affidavit ni Cayetano idi Mierkoles, Hulio 15 kas sungbat iti complaint-afficavit nga inpila ti Tindig Pilipinas idi Hunio 3.
Iti maysa a rakurak, inbatad ti anti-graft body a ti counter-affidavit ti senador ket sungbat ti agtultuloy a preliminary investigation iti reklamo nga inpila dagiti miembro ti civil society.
Malaksid ken Cayetano, karaman met kadagiti respondent iti reklamo isuda Senador Robin Padilla ken ti naikkat a ni Senate Sergeant-at-Arms Mao Aplasca.
Kabayatanna, saan pay a nakapagsubmitir da Padilla ken aplasca ti bukod da a counter-affidavitsm segun iti Ombudsman.
No mapaay dagiti dua a mangipaay ti counter-affidavit iti naikkeddeng nga aladaw, ti kaso ket maibilang a kas ‘deemed submitted for resolution’ ken saanen nga umawat ti Ombudsman ti kanayonan a dokumento wenno apela.
