LAOAG CITY – Inlawlawag ni Atty. Juanito Antonio a saan nga fishing expedition ti selyado a Bureau of Internal Revenue (BIR) box ni Vice President Sara Duterte ken ti asawana a ni Atty. Manases Mans Carpio.
Kunana a rebbeng laeng a makita ti naglaon daytoy tapno makita no ana ti kinapudno ti confidential funds nga Articles of Impeachment ni VP Sara.
Segun kenkuana, a dakkel ti panagsiddaaw dagiti umili gapu ta ti binillion a kwartana ket saan a nakapapati a daytoy ket manipud laeng iti sweldo wenno income kas kuma iti negosioda nga agasawa.
Inbatadna a no saan a mailawlawag a nasayaat ti naggapoan ti kinabaknangna ket nalawag a betrayal of public trusts daytoy gapu ta nagsapata nga agtalinaed a napudno ken umno nga agserbi iti umili.
Uray no kuna dagiti defense team ni VP Sara a daytoy ket confidential, daytoy ti mangpaneknek ti kinapudnona iti publiko.
No makita ti umili no ana ti nakailanad iti nasao a Bureau of Internal Revenue (BIR) box ket mangpaneknek no nagbasol daytoy iti publiko wenno saan.
Kinunana a dakkel nga ebidensia daytoy gapu ta makita ditoy no adda ti dakkel a pagsungbatanna nangruna ta no mapaneknekan a ti binillion a kwartana ket manipud kadagit umili ket dakkel daytoy a panagbasolna iti kina Bise Presidente na gapu iti sinapataanna.
Kabayatanna, kunana a makita kadagiti sumaruno nga aldaw no ana ti dadduma pay a mapasamak iti impeachment nangruna no adda ti surat a manipud iti Presidente tapno pammalubos a manglukat iti selyado a Bureau of Internal Revenue (BIR) box.
