LAOAG CITY – Balligi a naisayangkat ti simulation exercise mainaig no bilang adda ti rumaot kadagiti pagadalan ditoy siudad ti Laoag.
Segun ken ni Mayor James Bryan Alcid, adda ti naiyuswat a taripnong kaduana dagiti pannakabagi dagiti pagadalan, City Disaster Risk Reduction and Management Office ken dagiti barangay tanod maipanggep iti nasao a banag.
Inbatadna a babaen iti nadakamat nga addang ket ammo nga insigida ti umno nga aramiden dagiti kameng ti Philippine National Police, Bureau of Fire Protection, City Disaster Risk Reduction and Management Office ken dadduma pay.
Inlawlawagna a masapul a rumbeng a nakasagana latta dagiti otoridad nga agresponde a napaspas tapno malappedan ti mapasamak nga insidente.
Maipalagip a napanunotan ti Local Chief Executive ti nasao a tignay kalpasan ti napasamak a pammaltog iti uneg mismo ti maysa a pagadalan idiay Tacloban City.
