LAOAG CITY – Inlawlawag ti Bureau of Jail Management and Penology (BJMP) a saan a nakabalud iti air-conditioned a pagbaludan ni Senador Rodante Marcoleta ken dagiti dadduma pay nga high-profile persons deprived of liberty (PDLs) iti Quezon City Jail Male Dormitory (QCJMD).
Segun ken ni Bureau of Jail Management and Penology (BJMP) spokesperson Supt. Jayrex Bustinera, awan ti special treatment wenno VIP iti siasinnoman nga adda iti kustodiada.
Inpettengna a dagiti kwarto nga addaan ti air conditioner-na ket para iti consultation area dagiti doktor ken dadduma pay nga administrative offices no sadinno ket saan a para kadagiti nakabalud.
Iti agdama, adda iti infirmary ni Marcoleta ken manmnama a maiyakar daytoy iti general population inton Hulio 22.
Kabayatanna, inpanagetget ti Bureau of Jail Management and Penology (BJMP) nga ti amin a nakabalud pakairamanan dagiti nalatak a personalidad ket agpapantay ti panagtratoda ken awan ti maikikan ti special treatment.
Maipalagip a karaman kadagiti nakabalud iti uneg ti Quezon City Jail Male Dormitory (QCJMD) ket da Senador Jinggoy Estrada, dati a Senador Bong Revilla, dati a kongresista Mike Defensor ken dagiti dadduma pay nga opisial ti Department of Public Works and Highways (DPWH) nga agpapada a sumangsango iti kaso mainaig iti maanomalya a flood control projects.
