LAOAG CITY – Inakusaran manen ti Iran ti Estados Unidos gapu iti panaglabsing daytoy iti pinirmaanda a Memorandum of Understanding.
Inbatad ni Iranian Foreign Ministry spokesman Esmaeil Baghaei nga amin nga aspeto ti Memorandum of Understanding ket linabsing ti Amerika iti napalabas a lawas.
Inakusaran pay ni Baghaei ti Estados Unidos a mangal-allukoy kadagiti barko nga agusar ti “parallel route” iti Strait of Hormuz.
Ti nasao a ruta ket ad-adayo a ruta a pinalubosan laeng ti Iran.
Inlawlawagna a saan a ti Iran ti nangirugi ti gubat no sadinno nga inlabanda laeng ti pagilianda.
