LAOAG CITY – Bimmaba ti trust rating ni Presidente Ferdinand Marcos Jr. iti 34% ken idinto a saan a nagbaliw ken ni Vice President sara Duterte iti 57%.
Ti survey ket inwayat ti Social Weather Stations (SWS) iti maika-dua a quarter ita a tawen no sadinno ket naduktalan a 34% laeng kadagiti Filipino ti nangibaga nga isuda ket addaan ti “much trust” ken ni Presidente Marcos, 45% ti nangibaga nga adda ti “little trust-da” ken 19% ti undecided.
Kabayatanna iti kapada survey, naduktalan a 57% kadagiti Filipino ket addaan ti “much trust” ken ni VP Sara, 27% ti nangibaga nga adda ti “little trust-da” ken 15% met ti nangibaga nga “undecided-da.”
Ti survey nga inwayat ti Social Weather Stations (SWS) ket nagusar ti face-to-face interviews iti 1,200 Filipino adults babaen ti structured questionaire nga addaan ti visuals-na.
Addaan daytoy ti error margin a ±3% para iti national percentages, ±6% para iti Metro Manila, Balance Luzon, Visayas ken Mindanao, ken addaan ti 95% confidence level.
