LAOAG CITY –Impakaammo ti Office of the Ombudsman a sumagmamano a daras a pinadas ni dati a House of Representatives Speaker Martin Romualdez ti rumuar iti pagilian.
Iti naiwayat a pulong balitaan ng taongbayan, impakamo ni Assistant Ombudsman Atty. Mico Clavano ti nadakamat nga impormasion.
Segun kenkuana, basar kadagiti ‘intelligence reports-da’, ni dati a House Speaker Romualdez ket maipagarup namin-ado a daras a pinadasna ti rumuar iti pagilian.
Maipalagip nga adda ti naipila a Precautionary Hold Departure Order kontra kenkuana nga in-isyu ti Sandiganbayan iso a saan a mabalin a rumuar daytoy iti Pilipinas.
Mainaig iti daytoy, ginutigot ni Ombudsman Spokesperson Mico Clavano dagiti nagduduma nga hensia a siguraduenda a saan a makaruar iti pagilian ni Romualdez.
Basar iti Office of the Ombudsmn, ni Romualdez ket maysa a ‘central figure’ iti ‘diversion’ ti podo ti pagilian a naituding para kadagiti proyekto ti flood control.
Gapo iti daytoy, naikeddeng ti pannakaiwayat ti preliminary investigation para kadagiti reklamo a sangoenna pakairamanan ti kaso a plunder ken panaglabsingna iti Anti-Money Laundering Act.
