LAOAG CITY – Inlawlawag ni Atty. Domingo Cayosa, constitutional law expert, a paset ti maysa nga standard operating procedure ti panagsarsarita ti abogado ken testigo sakbay ti panagrugi ti maysa a panagusig.
Inpettengna a babaen daytoy, maamoan ti abogado ti naglaonan ti testimonia ken dagiti rason ti panagsango ti testigo iti korte.
Dinakamat ni Cayosa ti rakurakna kalpasan ti panangadmitir ni National Bureau of Investigation Director Atty. Melvin Matibag a nakisarsarita daytoy iti prosekusion.
Segun ken ni Cayosa, normal laeng iti proseso ti nadakamat a pannakisarsarita ti testigo kadagiti abogado kadagiti panagusig.
Kabayatanna, inpettengna nga awan ti pakainaigan ti survey kadagiti alegasion ken ni Bise Presidente Sara Duterte.
Segun kenkuana, dagiti alegasion kontra iti bise presidente ket masapol a tingitingen kas impeachable offenses ken saan a basar iti opinion ti publiko.
