LAOAG CITY – Nagyaman ni Mr. Gelo Manuel, empleado ti maysa a coffee business iti pannakaipaay kadakuada ti gundaway tapno maitampok ti produktoda iti dakkel a mall ditoy siudad ti Laoag.
Segun kenkuana, dakkel a banag daytoy aglalo kadagiti small and medium enterprises ditoy probinsia aglalo iti pannakaiamammo ti produktoda kadagti customers-da.
Inbatad ni Manuel a ti maysa kadagiti kapintasan nga eksperiansada ket ti agbalbalin a relasionda kadagiti agbalin a customers-da.
Kunana nga iti agdama ket ado dagiti customers nga aggatang ti kape iso ti rasonna ti panagado dagiti agnegnegosio ti kape ditoy probinsia.
