LAOAG CITY – Indauloan ni Presidente Ferdinand Marcos Jr. ti pannakairubuat ti Ibato-Iraan Small Reservoir Irrigation Project (SRIP), ti kadakkelan a pasilidad ti irigasion idiay Palawan ken umuna a reservoir-type irrigation project iti probinsia.
Segun iti Presidente, mangipaayda ti proyekto nga umdas ken manamnama ti suplay ti danum iti pakabuklan a tawen tapno maprotektaran dagiti mannalon kontra iti epekto ti panagbaliw-baliw ti panawen.
Mainaig iti daytoy, manamnama a ngumato ti raep ti pagay, nateng ken ti birok dagiti mannalon.
Umabot iti P886.12 million ti nasao a proyekto ken mangipaay ti irigasion iti 1,072 nga ektaria ti talon kadagiti barangay ti Sagpangan, Iraan ken Isaub iti Aborlan no sadinno a mabenepisiaran ti 425 a mannalon ken miembro ti Ibato-Iraan Farmers Irrigators Association.
Naammoan a pakairamanan ti proyekto iti maysa a 31 a metro a ngato ti dam, dagiti irrigation canal, access roads ken reservoir a kabaelanna ti agurnong ti 3.013 million cubic meters a danum.
