LAOAG CITY – Kinumpirmaran ni Presidential Communications Office (PCO) Secretary Dave Gomez, a nagsarita iti telepono da Presidente Ferdinand R. Marcos Jr. ken ni U.S. President Donald Trump no sadinno a napagsaritaan da ti agdama sitwasyon ti ekonomiya ti sangalubungan ken seguridad.
Inbatad ni Gomez a ti panagsarita ti dua a lider ket kalpasan ti nagbalin a taripnong da Presidente Marcos Jr. ken US State Secretary Marco Rubio iti Malacañang idi Miyerkules, Hulyo 22.
Iti nasao a taripnong, inpakaammo ni Presidente Marcos Jr. ken ni Secretary Rubio dagiti kaudian nga insidente iti West Philippine Sea.
Segun ken ni Sec. Gomez, inpasigurado ni President Trump ken ni Presidente Marcos nga idasar na ti panagamak ti Pilipinas iti sumaruno a pannakitaripnong na ken ni Chinese President Xi Jinping.
