LAOAG CITY – Nakagun-od ni Heart Evangelista ti million views iti Paris Fashion Week.
Inpakita dagiti fans ni Heart a limmabesen iti 100M views ti Paris Fashion Week social media videos ti actress-influencer.
Malaksid pay daytoy kadagiti likes, comments a maal-ala ti tunggal social media post ni Heart a kunkuntaren dagiti fans ken followers-na.
Kunada a ti nasao a bilang ket mangipaneknek a padpadaanan ti tunggal social media post ni Heart aglalo no agat-atendar daytoy kadagiti nagduduma a fashion events abroad.
Segun dagiti followers ni Heart, makaay-ayo ken informative dagiti ishe-share ti artist-entrepreneur iti Facebook ken Instagram pages-na gapu ta pakapidotan dagitoy ti fashion tips ken latest trends.
