LAOAG CITY – Inpakaammo ti House Prosecution a kalikagumda ti panangilawlawag manipud iti Senate impeachment court mainaig iti nagbalin a rakurak ni Senador Robin Padilla a “walang karapatang magtanong” wenno awan karbengan nga agsaludsod ti prosekusion iti maysa a senator-judge.
Segun ken ni House prosecutor ken Camarines Sur Rep. Terry Ridon a tarigagayda a malawlawagan no maipawil iti agsinnungbangir a partido ti agsaludsod ti clarificatory questions kadagiti senator-judge aglalo no adda ti damag a kasapulan ti panangilawlawag.
Kunana a talantanenda pay laeng ti prosecution panel no agisubmitirda ti manifestation wenno mangipila ti oral manifestation.
Inlawlawagna a napateg daytoy gapu ta nadagsen ti rakurak ni Padilla a maipagarup nga awan ti karbengan ti prosecution nga agsaludsod.
Kabayatanna, mangipaay daytoy ti pannakailawlawag iti agpada a partido ti depensa ken prosekusion.
Inpetteng pay ti Kongresista nga obligasion ken trabaho ti senator-judges ti agtalinaed a neutral ken saan a dagiti abugado ti agsinnungbangir a partido gapu ta adversarial ti impeachment proceedings.
