LAOAG CITY – Inanunsio ti gobierno ti Chad idiay North-central Africa ti planoda nga agikkat manipud iti International Criminal Court (ICC).
Pinasarunoan ti pagilian ti Chad ti panagikkatda iti International Criminal Court ti imunan nga anunsio ti Burkina Faso, Mali ken Niger idi Setiembre nga agikkatda iti ICC, a mangug-usig kadagiti indibidual a nakaaramid ti war crimes ken crimes against humanity.
Iti maysa nga statement, inlawlawag ti pannakangiwat ti Chad government ti nagbalin a desisionda ket kalpasan ti naiget a panangusigda iti mandato ti Interntional Crimial Court manipud idi nangrugi ti opersionda idi tawen 2002 ken manipud kadagiti rekord no sadinno ket agtaltalined daytoy a limitado ti kinaepektibona ken saan nga agpapada.
Mainaig iti daytoy, kinondenar ti nasao a pagilian dagiti imbestigasion ti International Criminal Court wenno ti ICC a nakatutok laeng kadagiti pagilian nga Africa.
Inpetteng ti Chad a siam kadagiti 13 nga imbestigasion nga iwaywayat ti ICC ket nakatutok kadagiti African Countries.
Segun kadagiti report ket ti desision ti Chad nga agikkat iti Interational Crimial Court ket kalpasan ti panang-gutigot ti Estados Unidos kadagiti nagduduma a pagilian a tingitingenda a nalaing ti membership-da iti nasao a korte.
Kabayatanna, nakapalaon iti article 127 ti Rome Statue ti opisial a panagatras ti maysa pagilian iti nasao a korte ket maipatungpal to pay laeng kalpasan ti maysa a tawen.
