LAOAG CITY – Narugyanen ti pananakaitalantan ita nga aldaw, Hulio 29, ti misuse of confidential funds charges kontra ken ni Vice President Sara Duterte iti agtultuloy nga impeachment trial-na.
Ti naso nga alegsion ket nakaipalaon iti Article I ti Articles of Impeachment no sadinno ket ditoy a naakusaran ti bise presidente ti saan nga umno a panaggasto iti ₱612.5 million confidential funds iti Office of the Vice President (OVP) ken ti Department of Education (DepEd) idi daytoy pay laeng ti mangidadaulo iti ahensia.
Sakbay ti panangiprisintar ti prosekusion ti umuna a testigoda para iti nasao nga artikulo, pinalubosan ni Trial Presiding Officer ken Senate President Francis “Chiz” Escudero ni House Prosecutor Leila de Lima para iti opening statement-na.
Mainaig iti daytoy, sakbay ti opening statement ni de Lima ket inbatad ni Escudero a liklikan ni de Lima dagiti “conclusion of facts and law.”
Bayat ti rakurak ni de Lima ket nangipila ti objection ni Atty. Michael Poa, counsel para iti depensa, kontra kadagiti rakurak ni de Lima.
Gapu iti daytoy, linawlawagan ni Escudero ni House prosecutor a limitaranna dagiti irakurakna agingga a pinagsardeng ni Escudero ti opening statement ni De Lima, nga insgida met nga sinurot ti Partido ti prosecutor.
