LAOAG CITY – Inabatad ti Bangko Sentral ng Pilipinas (BSP) a manarimaan ti panangtingitingda kadagiti compliance reports ken cost breakdowns nga insubmitir dagiti nagduduma a financial institutions ken e-wallet operators a saan pay a nagikkat ti interbank transfer charges.
Segun ken ni Bangko Sentral ng Pilipinas Deputy Governor Mamerto Tangonan, ti ahensiada ket tingtingitingenda dagiti manarimaan a fee structure a nakalinia iti agdama a probision ti BSP Cirlcular No. 1238.
Inpettengna a ti panangtingitingda ket kalpasan a dagiti dadakkel a payment service providers ken e-wallets ket kinissayanda ti InstaPay fees-da imbes koma nga ikkatenda daytoy.
Gapu iti daytoy, inlawlawag ni Tangonan a dagiti institusion a saan a sumurot iti paganurotan ket masapolda a sumango iti strategic choice no sadinno ket kissayanda ti transfer fees-da ngem adda ti naananay a rasonda wenno agaramidda ti bukodda a charges iti met laeng kapadada a network.
