LAOAG CITY – Balligi a naiwayat ti Mental Health Seminar ditoy siudad ti Laoag.
Impakaammo ni Dr. Rodrigo Catcatan, ti mangidaulo ti City Health Office ditoy siudad a daytoy ket inatendaran dagiti Barangay Health Workers(BHW) nga inorganisar ti City Government iti babaen ti panangidaulo ti opisinada.
Kinunana a masansan a dagiti Barangay Health Workers (BHW) ti pakaidanonan dagiti nagduduma a problema ken isiyu dagiti bumaranggay isu a napateg a maipaayanda ti naan-anay nga adal mainaig ti mental health gapu ta isu ti mapaspasaran dagiti sumagmamano nga indibidual.
Ditoy a naisuro no ania dagiti aramidenda no adda dagiti nakaro a problem a mangitunda iti depression.
Inlawlawagna a daytoy ket saan laeng a para kadagiti kabaranggayan-da ngem para iti bukod da a bagbagi gapu ta iti inaldaw-aldaw a trabahoda ket nagduduma a sitwasion ti makasangsango-da.
Gapu iti daytoy, masapul ti pannakakita ti mental health-da no sadinno nga inwayat daytoy ti City Government iti babaen ti City Helth Office.
Kabayatanna, mamati ti Catcatan nga iti babaen ti mental health seminar, ad-adda a mapapigsa dagiti Barangay Health Workers (BHW) iti mismo a barangay-da.
