LAOAG CITY – Impakaammo ni Mrs. Perlita Cabello, ti mangidaualo ti City Social Welfare Development Office (CSWDO) a naiwayat ti Roll Out Training on Home Care Support ditoy siudad ti Laoag.
Daytoy ket inatendaran dagiti 20 a Barangay Health Workers (BHW) manipud kadagiti nagduduma a barangay iti nasao a siudad.
Ti programa nagbinnuligan ti Department of Social Welfare and Development (DSWD) Regional Office ken City Social Welfare Development Office (CSWDO).
Kunana a gagem daytoy a mangkita ti kasasaad dagiti Persons With Disabilities (PWDs) kangrunaan kadagiti ubbing iti barangay da.
Inbatadna a dagiti nagatendar ti katulungun ti Project Aruga ti Department of Social Welfare and Development (DSWD) iti nasayaat a pannakakita kadakuada.
Ditoy a naisuro dagiti karebbengan ken no kasano ti makilangenlangen kadagiti Persons With Disabilities (PWDs).
Innayon ni Cabello a dakkel a tulong daytoy iti rehabilitasion ken agtultuloy a panangipakita ti suporta ken ayat kadagidi indibidual nga addaan ti rangkap iti bagi.
Kabayatanna, ditoy siudad ti Laoag ti maysa kadagiti 4 a Local Government Units a pilot ti Project Aruga iti intero a pagilian.
