LAOAG CITY – Balligi a nakissayan ti paperworks dagiti mangisursuro iti intero a pagilian.
Segun ken ni Education Secretary Sonny Angara, umabot iti 57% ti naikissay iti paperworks dagiti mangisursuro.
Baben iti daytoy, adadda a maka-pokus dagiti mangisursuro iti panngisuroda kadagiti estudianteda.
Mainaig iti daytoy, inbatad ni Angara nga agtultuloy ti panag-recruit ti ahensia kadagiti non-teaching personnel tapno isuda ti mangsippaw kadagiti paperworks.
Karaman dagitoy ti agingga 5,000 Administrative Officers ken Project Development Officers a manamnama a mangsippaw kadagiti non-teaching works a nabayaen a bakbaklayen dagiti mangisursuro.
Innayonna pay a kalikagum ti Department of Education a maprotektran ti teaching time dagiti mangisursuro.
