LAOAG CITY – Inbatad ti Department of Energy (DOE) a mabalin nga agsuplay ti kuryente dagiti nuclear power project iti plano a Pax Silica AI, semiconductor, len advanced manufacturing hub iti New Clark City, Capas, Tarlac.
Segun ken ni DOE Director Patrick Aquino, mabalin a daytoy ti kangrunaan nga usaren iti AI hub, ngem nupay kasta, agtultuloy latta aa bukbuklen ti gobierno ti nuclear power program, pakairamanan iti licensing, lokasion, ken nagduduma pat a regulatory requirements.
Ti nuclear energy ket maysa a zero-carbon baseload power source a kabaelanna ti mangipaay ti kuryente ti 24 nga oras iti maysa nga aldaw, no sadinno a ti maysa nga SMR ket kabaelanna ti agaramid ti sumurok-kumurang a 300 megawatts (MW).
