LAOAG CITY – Nangiyuswa ti National Food Authority (NFA) ti maysa nga auction para iti sumurok 740,000 bags nga aging rice a naikeddeng inton Agosto 12 kalpasan ti pannakapaayda a maka-gutigot ti aggatang iti auction idi bulan ti Hunio.
Basar iti post ti National Food Authority iti website-da, umabot iti 740,570 a sako ti local milled rice nga agtawen ti sumurok innem a bulan ti magatang iti nasao nga auction no sadinno a mapatta -patta nga agdagup daytoy ti P1,068,144,811.
Ti nasao a rice socks ket naka-store iti nagduduma nga NFA warehouses ditoy pagilian.
Inbatad ti National Food Authority a ti pre-auction ket manamnama a mapasamak inton Agosto 5 ken idinto a ti aktual a pannakaiyuswat ti auction ket inton Agosto 12.
Mainaig iti daytoy, dagiti agkalikagum a gumatang wenno bidders ket masapolda nga agbayad ti auction bond nga agdagup ti sangapulo a porsiento para iti pakabukelan ti bayad ti bid/offer per lot.
