LAOAG CITY – Ginandat a bagkongen ti maysa a senior citizen ti maysa a tricycle driver ditoy siudad ti Laoag.
Daytoy ket agtawen ti 76, awanan asawa, ken residente ti Barangay 11 idinto a ti biktima ket agtawen 35, naasawaan, tricycle driver, ken residente ti Barangay 55-C Vira nga agpada a taga ditoy siudad ti Laoag.
Basar ti imbestigasion dagiti otoridad, manarimaan nga agtugtugaw ti monoblock chair ti suspek idi nagkiddaw ti biktima nga agpaigid gapo ta madalaposda iti pagpilaanda a Petro Gazz Toda iti paset to P.Gomez St. iti Barangay 11.
Saan a nagustoan ti suspek ti pannakaibaga ti biktima a rason a nagbugkaw ti suspek iti biktima.
Kalpasan ti pasamak ket timmalaw ti suspek no sadinno a kalpasan ti sumagmamano a segundo ket ditoy a nagsubli nga adda ti ikotna a kutsilyo.
Segun kadagiti kameng ti pulis, immasideg ti suspek iti bikima nge nakataray daytoy.
Apaman a nagtaray ti biktima ket ditoy a nagtaray ken naipagalis no sadinno a ginundawayan ti suspek tapno bagkongen ngem balligi a nakalisi daytoy.
Insigida met a nagkiddaw ti tulong dagiti dadduma a tricycle driver ket insigida met a nagresponde dagiti otoridad a ditoy a natiliw ti suspek.
Rumrumuar a ti kutsilyo ket addaan ti kaatiddog a 13 inches.
Iti agdama ket nagtalinaed ti suspek iti Philippine National Police (PNP) Laoag ken manarimaan ti pannakaisagsagana ti maipila a kaso nga attempted homicide kontra kenkuana.
Kabayatanna, iti pannakisarsarita ti Bombo Radyo Laoag a nabigbig a ni Mr. Virgilio Guerrero, kunana a masansan nga agturong daytoy iti nasao a lugar tapno tumulong kadagiti agpatpataya.
Kunana a dayta a gundaway ket kellaat a nagtudo a rason no apay a napan nakilinong iti tolda nga ayan dagiti tricycle.
Patyen na nga adda isuna ti igid a paset ngem maipagarop a saan a napintas ti panangisawang ti tricycle driver ti kalikagomna nga agpaigid a rason no apay a nakarikna ti gura ken napan nangala ti kutsilyo.
Inpakaamona nga kalpasan ti insidente ket kalikagomna a makipag areglo ngem desidido ti tricycle driver a mangipila ti kaso.
Innayonna a basar ti inbatad ti piskalya ket agarup 36,000 pesos ti gatad a pagpiyansa a kasapulan para iti temporario a panakawaya-waywayana ngem kunana na nga awan ti kastoy a kwarta na.
Kinunana pay nga dagiti kameng ti pamilya na ket adda ti sabali a pagilyan ngem awan plano na a mangipakaamo daytoy a pasamak.
