LAOAG CITY – Inbilin ni Senate President Sherwin Gatchalian iti Energy Regulatory Commission (ERC) nga audit-en ti generation charges iti kuryente partikular ti maipatpataw a presio ti petrolyo.
Ti generation charges nga adda iti 60% ken kadakkelan a paset ti bayadan ti kuryente ket mangibagbaga iti panagpartuat ti kuryente manipud kadagiti planta.
Inbatad ni Gatchalian no kalikagum nga ipababa ti bill iti kuryente, ti generation charge ti nasken a tutukan ken siguradoen nga umno ken nainkalintegan.
Daytoy ket kalpasan a rumrummuar nga awan ti audit iti generation charges ken kadagiti iserserrek ditoy a gastosen kas ti panaggatang ti petrolyo nga amin ket ipabpabayad kadagiti consumers.
Nangipasa pay ti Senate President ti resolusion a gagem nga imbestigaran ti Senado ti kinaawan ti regular a cost audit iti generation charges iti kuryente.
