LAOAG CITY – Insayangkat ti Department of Health – Negros Island Region (DOH-NIR) iti Measles – Rubella Supplemental Immunization (MRSI) campaign iti Sibulan.
Basar ken ni Dr. Liland Estacion, Provincial Health Office chief a ti Sibulan ket napili kas venue gapu iti dakkel a populasion ti ubbing.
Iti baet ti programa, nangipaay ti panagbitlana ti panagsuporta iti third phase ken ti kadakkelan nga paset iti nationwide Measles – Rubella Supplemental Immunization (MRSI) campaign ni World Health Organization (WHO) consultant Dr. Mohammed Reazul Hasan.
Gagem ti campaign a protehiran ti sumurok 6.2 million nga ubbing nga adda iti 6 agingga 56 a bulan iti Visayas ken nabatbati a paset ti Luzon.
Kunana nga iti umuna a dua a phases ket sakupenna ti sumurok 3.4 million nga ubbing wenno agarup 82.2 a porsiento ti target idinto ti third phase ket gagemna a magun-od iti dandani agdoble ti ubbing.
Mainaig iti daytoy, inpettengna ti panagserrra iti nabatbati nga immunity gaps babaen ti naiget nga aramid tapno maartapan ti agarup 90 a porsiento nga immunization coverage ken sakupen ti amin nga eligible nga ubbing, saan laeng dagiti agtalinaed dagiti barangay no diket ti kada sitio.
Naammoan a target ti Department of Health – Negros Island Region (DOH-NIR) ti 437,586 nga eligible children iti Negros ken Siquijor para iti supplemental immunization campaign manipud Agosto 10 agingga Agosto 28.
Inwayat dagiti health workers ti measles-rubella vaccines pakairamanan ti Vitamin A.
Agpanpanawagan dagiti health authorities kadagiti nagannak nga ipabakuna ubbing uray ania ti napalabes nga immunization history.
