LAOAG CITY – Inpetteng ni Finance Committee Chairman JV Ejercito a nasken a palubosanen ti pannakaitultuloy ti pannakaipatungpal ti flood control projects inton 2027.
Inbatadna a nagbalin a zero ti pondo ti flood control projects iti napalabas a tawen kalpasan a naibutaktak ti nakadakdakkel nga scam iti proyekto.
Nupay kasta, para iti Senador a nasken a palubosan ti pannakaitultuloy ti pannakaipatungpal ti flood control projects a narugianen.
Inlawlawagna a saan a pakabenepisiaran dagiti saan pay a nalpas a flood control projects.
Innayonna nga adda met dagiti nasayaat a flood control projects ngem naitantan laeng gapu ta nairaman dagitoy kadagiti ghost projects.
