LAOAG CITY – Inlungalong ti Bangko Sentral ng Pilipinas (BSP) a masapol a mai-require kadagiti bangko, digital lenders ken dadduma a na-regulate a financial institutions nga ikonektar dagiti customers da iti verification systems iti National ID database ti gobierno.
Iti babaen ti draft memorandum, arigna amin a BSP-supervised institutions (BSI) ket masapol a makikoordinar iti National ID Authentication Services (NIDAS) ti Philippine Statistics Authority (PSA) para iti due diligence ti customer, pakairamanan ti panaglukat ti account ken ti identity verification.
Gagem ti Bangko Sentral ng Pilipinas a mapalawa ti panagusar ti National ID kas primary ken opisyal a pammaneknek ti pagilian, ken papigsaen na pay ti panangbigbig ti customer iti intero a financial system.
