LAOAG CITY – Naruay a pammadayaw ken pammigbig ti nagun-od ti lokal a gobierno ti siudad ti Laoag pakairamanan kadagiti indibidwal award iti 51st Gawad Saka Parangal sa mga Natatanging Magsasaka at Mangingisda Regional Awarding Ceremony a naisayangkat iti Don Mariano Marcos Memorial State University DMMMSU, Bacnotan, La Union.
Nagduduma a pammimigbig ti nagun-od ti lokal a gobierno ti siudad, pakairamanan kadagiti pammadayaw a:
1. Regional ken National Winner iti Outstanding Local Government Unit – LGU;
2. Regional Winner ken National Finalist iti Outstanding Agricultural Extension Manager a ni Engr. Sheila Marie N. Opelac;
3. Regional Winner ken National Finalist iti Outstanding Corn-Based Farmer a ni Mr. Geoffrey A. Pascual, Brgy 28, iti siudad ti Laoag;
4. Regional Winner ken National Nominee – Outstanding City Fisheries and Aquatic Resources Management Council – CFARMC – Laoag City, Chairman – Ruben Mariano;
5. Regional Nominee a Laoag City Southwest Corn Cluster Farmers Association, Inc Chairman a ni Emilio Miguel; ken ti
6. Regional Nominee a Laoag City Cassava Cluster Farmers Association
Kabayatanna, impasigurado ni Mayor James Bryan Alcid ti suportana iti benneg ti agrikultura gapu ta daytoy ti maibilang a duri ti ekonomiya ken kangrunaan a paggapgauan ti pagsapulan dagiti Laoagueño, ken ti agtultuloy a tulong ken baro nga inobasion para kadagiti mannalon ken mangngalap iti siudad.
