LAOAG CITY – Agkidkiddaw iti hustisya dagiti nagannak ti maysa nga 6-anyos a lalaki a natay kalpasan a maipagarup tinungpa ti maestrana bayat a manariaan ti klaseda idi Biernes, Agosto 21, 2026.
Segun kadagiti report, nagpungtot ti nasao a mangisursuro idi nakitana a saan a kompleto ti assignment ti ubing. Imbaon ti maestra ti estudiante nga umasideg, ket ditoyen a ginuyodna ti kwelyo ti uniporme ti ubing sa na tinungpa daytoy.
Bayat a nakatakder iti sanguanan ti mangisursuro, bigla a naawaan ti puot ti nasao nga etudiante a rason ti pannakatumbana iti abaga ti maestrana.
Insigida a naitray iti balay pagagasan ti ubing, ngem kalpasanna ket naideklarar daytoy nga awan biagnan.
Segun iti ama ti ubing, natalged ken napigsa ti anakna idi simrek iti pagadalan ken awan ti aniaman a sakit a marikriknana.
Mamati ti pamilia ti ubng a posible a ti panangtungpa ti maestrana ti pannakatay ti ubing.
Kabayatanna, saan pay nga impakaammo dagiti otorida ti eksakto a rason ti pannakatayna.
