LAOAG CITY – Naikabilen ti Thermoplastic Markers ken Speed Humps iti Hernando St, corner D. Samonte St. iti Barangay 7-8 wenno iti Panganiban St. ditoy suidad ti Laoag.
Daytoy ket babaen iti panagkinnammayet ti Department of Public Works and Highways (DPWH) – 1st District ken ti City Government a nangikabil ti speed humps ken market tapno agserbi kas caution wenno pakdaar kadagiti motorista a dumaldalyasat.
Nupay adda ti full stop signage iti nadakamat a lugar ket agtultuloy latta ti panagpataray dagiti motorist a rason iti ad-adda a pannakaikabil ti marker ken speed humps.
Segun ti Philippine National Police – Traffic Division ditoy suidad ti kinaawan ti disiplina dagiti motorista ti rason dagiti mapaspasamak nga aksidente iti paset ti Panganiban St.
Naamoan nga iti nadakamat a kalsada ket kangrunaan nga ag-viral gapu iti naruay nga aksidente a mapaspasamak a maal-alaan ti CCTV footages.
Maipalagip a nabayagen a kiddaw daytoy ken naidasar iti konseho ditoy suidad babaen ken ni Konsehal Atty. Jason Perera ngem ita laeng a nakaaksionan.
