LAOAG CITY – Nangiparuk-at ti cease-and-desist order ti Department of Public Works and Highways wenno DPWH kontra kadagiti maipagarup nga illegal reclamation project iti paset ti Laguna de Bay iti Taguig City.
Basar ken ni Department of Public Works and Highways (DPWH) Secretary Vince Dizon, naiparuk-at ti order idi Agosto 20, maiyataday iti direktiba ti Office of the Vice President iti babaen ti Philippine Reclamation Authority wenno PRA ken insigida daytoy a naipatungpal.
Mainaig iti daytoy dagiti inbutaktak ni Senador Panfilo “Ping” Lacson mainaig iti maipagarup nga iligal a reclamation activities iti Taguig pakairamanan dagiti daga nga adda kuwesionable a titulo.
Inbatad ni Dizon a makitaripnong ti Department of Public Works and Highways kadagiti stakeholder pakairamanan ti Taguig City government, Philippine Reclamation Authority ken Laguna Development Authority tapno trateren dagiti sumaruno nga addang.
Immunan nga inbaga ni Lacson nga adda uppat a parsela ti iligal a ni-reclaim a daga a naduktalan nga adda maipagarup a fraudulent a titulo ken maipangato iti Office of the Ombudsman para iti imbestigasion.
Naamoan a dagiti nadakamat adaga ket adda kalawa na a mapatta-patta a 5,000 agingga 193,027 metro kuwadrado, basar ken ni Lacson.
