LAOAG CITY – Nakaala ti ado nga atension ti maysa a humanoid robot a naimbento idiay China kalpasan a naipakita a naal-alisto nga agtaray daytoy kumparar ken ni Usain Bolt – kaalistuan nga atleta a tumataray iti intero a lubong.
Ti robot a naawagan a “Superman” ket maysa a baro a modelo ti Chinese robotics company idi Agosto 17, no sadinno ket impakitada iti publiko dagiti nagduduma a features ken kabelanna nga aramiden.
Malaksid iti naalisto a panagtarayna, napabilib pay ti publiko ti skill-na iti panaglagto nga umabot iti kangato a dua a metro, nangatngato kumparar iti 170 meter vertical jump a nairekord ni Christopher Spell idi tawen 2021.
Kabayatanna, segun iti nasao a kompanya, umabot iti 12.66 meters per second wenno 45.6 kilometers per hour ti kinaalisto ti panagtaray ti nasao a robot, al-alisto kumparar iti nairekord ni top speed Olympic legend Usain Bolt nga addaan ti sumurok-kumurang 44 kilometers per hour.
