LAOAG CITY – Nagpanawagan ti baro nga alyansa ti nagduduma a sektor ti gobierno ti pannakakanselar ti manamnama a pannakaipasdek ti Pax Silica Industrial Hub iti New Clark City, Tarlac, idi kalman, Agosto 31 a naiwayat iti Mary Hill School of Theology iti Quezon City.
Pakairamanan iti No To Pax Silica Network dagiti mangibagbagi kadagiti nagduduma a grupo manipud iti civil society, religious groups, academe, environmental advocates, mannalon, estudiante ken kadagiti agtutubo ti komunidad.
Mainaig iti daytoy, saan nga umannugot ti grupo gapu iti mapapati a posible nga epekto ti nasao a proyekto iti aglawlaw ken pagbiagan dagiti agtutubo iti lugar.
Segun kadagiti sumagmamano a pannakabagi ti Aeta community iti Capas, madanaganda ti posible a pannakaapektar ti nasao nga AI Hub iti komunidad ken kadagiti lugar a maibilang a nasantoan, pakairamanan ti burial ground-da ken kadagiti dadduma pay a paset ti ancestral area.
Maipalagip ti panangipetteng ti Bases Conversion and Development Authority (BCDA) a ti nasao a proyekto ket makaited ti dakkel nga investment no sadinno ket makapataud daytoy ti sumurok 130,000 a high-quality jobs.
Kabayatanna, manamnama ti pannakaaisayangkat ti public education ken community consultations ti No To Pax Silica Network kas paset ti kampanyada no sadinno ket manamnama ti pannakaipapirma ti framework agreement para iti proyekto inton Nobiembre.
