LAOAG CITY – Kiniddaw ni dati a House Speaker Martin Romualdez idi Lunes, Setiembre 7 ti panangaprobar ti Sandiganbayan Third Division tapno maipaay kenkuana ti continued hospital confinement” bayat a sangsanguenna ti kasona a plunder.
Immun-unan a nangipila ti Office of the Ombudsman ti ₱7.4-billion a plunder charge kontra kenni Romualdez, dati nga Ako Bicol party-list Rep. Zaldy Co, ken dagiti dua a kaduada nga akusado gapu iti maipagarup a pannakairamanda iti kickback scheme kadagiti flood control projects.
Iti manifestation-na para iti hospital arrest, dinakamat ni Romualdez ti medikal a pakasaritaanna, a pakairamanan ti angioplasty surgery a nagdalananna idi Oktubre 2024 gapu iti coronary artery disease-na.
Inkari ti attending physician-na a ni Dr. Torres nga ipakaammona nga insigida iti korte no dakkel ti panagbalbaliw ti salun-at ni Romualdez wenno no agbalin a nasalun-at tapno ma-clear para iti pannakayakar manipud iti ospital.
