LAOAG CITY – Nagpakdaar ti Iran ti “economic warfare” kontra iti Estados Unidos kalpasan ti inrakurakna a nagpaputok daytoy ti advanced missile kontra kadagiti warships ti Estados Unidos kabayatan ti agtultuloy a tension iti innem a bulan a rinnupak.
Basar ken ni Mohsen Rezaei ti Iran’s Supreme National Security Council, mangipasdek ti Iran ti maritime exclusion zone iti Persian Gulf agingga iti paset ti US blockade.
Kunana a mabalin nga iraman iti sanction list dagiti barko a sumrek iti restricted area.
Daytoy ket adda pakainaiganna iti Qassem Basir ballistic missile nga inrakurak ti Iranian media nga inusar kontra kadagiti barko ti Amerika iti asideg iti Strait of Hormuz.
Nupay kasta, kuna ti US military a naliklikan dagiti barkona ti missile attacks.
Kabayatanna, inatake ti Iran-backed Houthi militia ti sumagmamano a siudad iti Saudi Arabia a nakasugatan ti 73 nga indibidual, basar iti Saudi-led coalition iti Yemen.
Gapu iti daytoy, naitantan ti shipping iti Strait of Hormuz.
Inpannakkel ti Iran ti Qassem Basir kas ad-adda a maneuverable ken adda kabaelanna a mangliklik iti missile defense ken electronic warfare. Idinto a kuna ni US President Donald Trump a bumagsak wenno bumaba ti presio ti langis no mangabak ti Estados Unidos iti rinnupak.
Nupay kasta, agtalinaed iti bileg dagiti lider ti Iran ken agtultuloy ti kiddawda a panangikkat ti sanctions kabayatan ti namnamaen a makagun-od ti bayad manipud kadagiti barko nga agusar iti Strait of Hormuz.
