LAOAG CITY – Pormal a nagsapata ni dati a Senador Manny Pacquiao kas baro a sekretario ken lead convenor ti National Anti-Poverty Commission.
Indauloan ni Presidente Ferdinand Marcos Jr. ti panagsapata ti dati nga eight division world champion.
Mainaig iti daytoy, nagatendar ni Cabinet Secretary Benhur Abalos.
Sukatan ni Pacquiao ni dati a Secretary Lope Santos III.
Basar iti Malacañang nga agtalek ti Presidente iti panangidaulo ni Pacquiao tapno matag-ay ti panangkontra iti rigat, panagdur-as ti social reform ken panangipatulod dagiti programa ken serbisio kadagiti komunidad iti intero a pagilian.
Maipalagip a nagserbi kas senador ni Pacquiao manipud tawen 2016 agingga 2022 ken nagbalin a miembro ti House of the Representatives manipud 2010 agingga 2016.
Malaksid iti daytoy, nagkandidato pay daytoy para ti pannaka-presidente idi 2022 no sadinno kabangibangna ni Presidente Marcos.
