LAOAG CITY – Manarimaan ti preparasyon ti Public Employment Service Office wenno PESO ditoy siudad ti Laoag iti pannakitinnulong ti gobierno probinsyal iti maangay a maysa a dakkel a selebrasyon ti inter-agency ti Overseas Filipinos nga International Migrant Day ita a setyembre.
Segun kenni Ms. Shey Pia Abaya, mangidadaulo ti Public Employment Service Office ken iti ken Migrant Workers ditoy siudad ti Laoag, agturong ti nagduduma nga ahensia ti gobierno iti Centennial Arena tapno mangipaay iti serbisyo kadagiti Overseas Filipino Workers ditoy probinsia.
Inbatad na a daytoy ti maudi a paset ti Overseas Filipinos month ita a tawen.
Mainaig iti daytoy, inpakaammo ni Abaya nga adda ti dua a repatriated Overseas Filipino Worker a nai-refer iti opisina da manipud Overseas Workers Welfare Administration, no sadinno a dagitoy ket saanda inleppas iti kontrata da.
Inpakaammo met ni Abaya a nai-refer dan iti nagduduma nga ahensia ti gobierno ti kaso ti dua nga Overseas Filipino Workers tapno maipaayan dati tulong manipud iti gobierno.
