LAOAG CITY – Inbilin ti Sandiganbayan Third Division iti warden ti Bureau of Jail Management and Penology (BJMP) nga iserrek kas detention prisoner ni dati nga House Speaker Martin Romualdez mainaig iti kaso na a plunder gapu iti maipagarop a P7.4 bilyon infrastructure kickback scheme.
Inkeddeng ti anti-graft court ti arraignment ken pre-trial ti dati nga speaker intono Setyembre 14.
Nupay kasta, basar iti Philippine National Police (PNP), nagtalinaed a saan a “medically fit to travel” ti dati nga speaker maibasar iti medical certification dagiti doktor iti Cardinal Santos Medical Center.
Maipalagip nga inarestar ken inkabil iti babaen ti police custody ni Romualdez iti uneg ti ospital idi Lunes kabayatan nga agpapaimbag iti cardiovascular event, alta presyon, ken panic attack.
Immunan nga inbilin ti korte ti panagpalawag dagiti attending physician mainaig iti pudno a sitwasyon ti salun-at ti opisyal.
Iti agdama, agtultuloy ti pannakikoordinar ti Criminal Investigation and Detection Group (CIDG) iti ospital no bilang agbaliw ti salun-at ni Romualdez tapno maipresentar a personal iti korte.
