LAOAG CITY – Dinadael ti militar ti Israel ti underground infrastructure ti Hezbollah iti Ali al-Taher ridge iti lauden ti Lebanon tapno ad-adda pay a papigsaen ti maibilang a security zone iti lugar.
Iti maysa nga statement da Prime Minister Benjamin Netanyahu ken Defence Minister Israel Katz, inbatad da nga agtalinaed ti pwersa ti Israel iti rehiyon tapno malapdan ti pannakabukel manen ken pannakapapigsa ti grupo nga Hezbollah.
Segun iti militar ti Israel, nakontrol da ti nasurok a dua a kilometro ti kaatiddog na tunnel no sadinno a nakalemmeng dagiti rocket, missile, drone, ken dadduma pay a kagamitan a pakigubat ti Badr unit ti Hezbollah.
Narikna ti napigsa a panagbettak iti rehiyon ti Nabatieh kabayatan ti panagtultuloy ti operasyon iti baet ti katulagan a ceasefire idi Hunyo.
