LAOAG CITY – Natamaan ti saan a maamoan a projectiles ti kangrunaan nga oil pipeline system iti Saudi Arabia.
Gapu iti daytoy ket naaddaan ti uram dagiti sumagmamano a pumping stations a masarakan iti paset ti pipeline.
Saan pay a maamoan no siasinno ti adda iti likod ti nasao a panagatake.
Ngem nupay kasta, inbatad dagiti opisial ti Estados Unidos a ti drone ket manipud iti Iraq a timmama iti pipelines.
Mainaig iti daytoy, awan pay ti kasiguradoan dagiti opisial no kaano a malpas ti panagtarimaan kadagiti nadadael a pipelines.
