LAOAG CITY – Inwayat ti Commission on Elections ita nga aldaw ti final testing and sealing ti automated counting machines iti Mindanao kas paset ti maudi a panagsaganada para iti Bangsamoro Autonomous Region in Muslim Mindanao parliamentary elections.
Personal a naimatangan ni Comelec Chairman George Garcia iti panangipadas ken pannakai-seal dagiti makina iti Cotabato City Institute iti Cotabaato City a maysa kadagiti naikeddeng a polling center.
Naiwayat ti nasao a proseso tapno siguradoen ti umno a ken 100 a porsiento a kinasaganada, pakairamanan ti natalged, naurnos ken ti nannnayas nga eleksiom inton Setiembre 14.
Mainaig iti daytoy, naka-standby dagiti kameng ti pulisya iti Dalican Pilot Elementary School iti Datu Odin Sinsuat, Maguindanao del Norte bayat ti manarimaann a pangbiahe dagiti mausar a makina.
Kabayatanna, nangipangaton ti full alert status ti Philippine National Police iti intero a rehiyon ti BARMM tapno masigurado ti kinatalged ken seguridad ti umuna a parliamentary elections iti lugar.
