LAOAG CITY – Naangay ti Fishery Law Enforcement and Coastal Resource Protection Training ditoy siudad ti Laoag.
Segun ken ni Engr. Shiela Opelac, mangidadaulo iti City Agriculture Offife a daytoy nga aktibidad ket pinasetan dagiti 30 nga indibidual, a binukel dagiti Deputized Fish Wardens ken Chairpersons dagiti Fisherfolk Associations manipud kadagiti coastal barangays.
Kunana a dagiti resource speakers a da Mr. Victor Dayap manipud iti Bureau of Fisheries and Aquatic Resources (BFAR) ken PSSg. Chris Y. Siega manipud iti PNP Maritime Group, a nangibingay kadagiti napapateg a leksion maipapan iti Philippine Fisheries Code, dagiti roles and responsibilities dagiti Deputized Fish Wardens iti national ken lokal a lebel, apprehension procedures ken evidence documentation, kasta met kadagiti safety measures, coordination ken reporting protocols.
Daytoy a programa ket naipatungpal babaen iti pangbibinnulig ti Office of the City Agriculturist, Bureau of Fisheries and Aquatic Resources ken PNP Maritime Group, a mangipakita iti agtultuloy a commitment ti City Government of Laoag iti panangidadaulo ni Hon. Mayor James Bryan Q. Alcid iti panangsalaknib kadagiti pagkalapan, panangsuporta kadagiti mangngalap, ken panangitag-ay ti responsable ken nasustenir a panagkalap.
