LAOAG CITY – Naarestar ti tallo nga Pinoy iti Japan gapu iti pananggandatda ti illegal a panag-import ti 154 a kilo ti Filipino brand a meat products partikular ti hotdog ken ham.
Daytoy ket babaen ti pannakaduktal dagiti otoridad a naikabil ti nadamakamat a produkto iti uneg iti instant noodle package.
Dagiti suspek ket maysa a lalaki nga agtawen 41 ken ti asawana a babai nga agtawen ti 31 ken maysa nga accomplice nga lalaki nga agtawen ti 55 nga agtalinaed iti Narita City, Chiba Prefecture.
Naamoan a ti rason ti panaglabsingda iti Custom Act and the Livestock Infectious Diseases Prevention Act iti Japan ket ti kalikagumda a panaglako gapu ta agtagikua dagiti agasawa ti maysa a grocery store iti lugar.
