LAOAG CITY –Kiniddaw ti Department of Foreign Affairs (DFA) iti APO Production Unit, Inc.ti pannakaitantan agingga 228 ti plano a pannakaipangato ti presio ti Philippine passport.
Segun ken ni Senate finance committee chairperson JV Ejercito, a gagem ti APO nga ipangato ti passport fee manipud P950iti P1,500 ken addaan met ti discount a P1,200 dagiti senior citizens ken overseas Filipino workers.
Inbatad met ni DFA Secretary Theresa Lazaro a nakalintegan met ti kiddaw ti APO gapu ta 10 a tawenen ti napalabas a saan pay a ngimmato ti presio ti passport. Nupay kasta, kiniddawda ti pannakaitantan pay laeng iti pannakaingato ti presio ken maikeddeng inton katengngaan ti 2028.
Kuna ni Lazaro a mabalin a makaapektar iti plano a baro a passport ti insigida a pannakaipangato ti presio iti Enero.
Kabayatanna, inbatad ni Ejercito nga ipakaammoti DFA iti Senado no kasapulan ti subsidy para iti passport, Kasta payen nga inadmitirna a limitado laeng ti fiscal space ti gobierno.
