LAOAG CITY – Ilunglungalong ti Department of Agriculture (DA) ti agribusiness kas maysa a potensial nga oportunidad iti pagpuonan ken pagsapulan para kadagiti overseas Filipino workers (OFWs) nga agsagsagana nga agawid iti pagilian, kabayatan ti panangiyam-ammo kadakuada dagiti kabaroan a teknolohia iti panagtalon a mabalin nga usaren kadagiti negosio a pang-agrikultura iti pagilian.
Iti babaen ti Agribusiness and Marketing Assistance Service (DA-AMAS), nangisayangkat ti Department of Agriculture ti Usapang Agribiz forum idi Setiembre 13 iti Alagang OWWA Serbisyo Caravan iti Marronnier Park idiay Seoul, South Korea.
Simmaruno iti daytoy ti panagbisita kadagiti teknolohia a pangtalon iti Wanju County idi Setiembre 14.
Indauloan ti nadakamat nga aktibidad ni Department of Agriculture Assistant Secretary for Agribusiness, Marketing, and Consumer Affairs Genevieve E. Velicaria-Guevarra ken Overseas Workers Welfare Administration (OWWA) Administrator Patricia Yvonne “PY” Caunan.
Mainaig iti daytoy, impaganetget ti agrikultura kas posible a maikadua a karera ken oportunidad iti panagpuonan para kadagiti overseas Filipino workers (OFWs).
Kuna ni Agriculture Secretary Francisco P. Tiu Laurel Jr. a kalikagum ti gobierno a makita dagiti overseas Filipino workers (OFW) ti agrikultura saan laeng kas oportunidad iti negosio no diket kas wagas tapno makatulong iti suplay ti taraon ti pagilian.
Inpaiyam-ammo iti forum dagiti programa ti gobierno iti financing, training, market linkage ken dadduma pay a klase ti suporta.
Mainaig iti daytoy, tinatrar ni Agricultural Credit Policy Council Executive Director Rallen Verdadero dagiti oposision iti panagpondo, kabayatan nga inpakita ti Agricultural Training Institute dagiti oportunidad para iti capacity building ken panagsanay.
Kabayatanna, nagpirma pay ti Department of Agriculture ken Overseas Workers Welfare Administration (OWWA) iti maysa a memorandum of agreement tapno papigsaen ti panangipatulod dagiti programa ken serbisio iti agrikultura para kadagiti OFW.
