LAOAG CITY – Intuloy dagiti agpam-panday linteg ti Pakistan-administered Kashmir ti eleksion tapno mangidutok ti baro a presidente a mangkompleto ti constitutional office nga agarup walo a bulanen a bakante.
Dakkel ti tsansa a mangabak iti eleksion ti kandidato ti ruling Pakistan Muslim League-Nawaz (PML-N) a ni Najeeb Naqi Khan kontra iti kalabanna a ni Chaudhry Latif Akbar, ti mangibagi ti Pakistan People’s Party (PPP) kalpasana a makaala ti gobierno ti sumurok 27 a kasapulan a butos.
Nagbalin a kontrobersial ti panagbubutos gapu ta agtalinaed a bakante ti pito a puesto iti lehislatura kalpasan a naitantan ti panagbubutos iti dua a distrito a sentro dagiti naranggas a protesta ken panagpipinnatay.
Segun met ken ni Chief Election Commisioner Justice Ghulam Mustafa Mughal, a pormal ken legal ti proseso ti eleksion iti baet dagiti bakante a puesto tapno makompleto ti nabayagen a kinakurang iti lider ti rehiyon.
