LAOAG CITY – Inbatad ni Mr. Reynaldo Calixto, Treasurer ti Laoag-Gabu Central Terminal ditoy ciudad ti Laoag a karaman iti Ilocos Norte ti pakaipatungpalan ti pannakaipangato ti plete para kadagiti bus ken dadduma pay a pampubliko a transportasyon a nangrugi ita nga aldaw ti lunes, Setyembre 28.
Daytoy ket kalpasan nga inaprubaran ti Land Transportation Franchising and Regulatory Board (LTFRB) ti kiddaw dagiti nagduduma a transport group a maipangato ti plete gapu iti agtultuloy a panagngato ti presyo dagiti produkto a petrolyo.
Segun ken ni Calixto, maysa a piso ti pakaingatoan ti plete para iti umuna nga uppat a kilometro ken adda ti nayun na a P2 kadagiti sumarsaruno a kilometro.
Nupay kasta, inpetteng na a masapol nga ipatungpal da laeng daytoy no addan ti maipaskil da a baro a fare matrix nga isu ti pangkitaan dagiti pasahero.
Kuna na a maipatulod ti baro a fare matrix babaen ti link manipod iti Land Transportation Franchising and Regulatory Board nga isu met ti idownload da.
Mainaig iti daytoy, inpetteng ni Calixto a nababa unay ti maysa a piso a nagngatoan ti plete gapu ta no koma laeng mabalin ket uray 5 a pisos ti mainayun tapno makaabrot da manipod iti agtultuloy a panagngato ti presyo dagiti produkto a petrolyo.a manipod iti agtultuloy a panagngato ti presyo dagiti produkto a petrolyo.
