LAOAG CITY – Pinadawayan ni Vice Governor Matthew Marcos Manotoc ti ili ti Pinili gapu kadagiti naruay a proyekto ken programa a gagemna ti makatulong kadagiti umili.
Pakairamanan kadagiti nasao a proyekto ket ti Livelihood Building, Wellness Center, Youth and Teen Center, Probation and Parol Office, Philippine National Police (PNP), Department of the Interior and Local Government (DILG) building, Commercial Building, Rehab Health Unit, Solar Powered Barangay Hall, Public Market Improvement, Pre and Post Harvest Assistance for Farmers, ken ti 175 a kurong-kurong a maibunong iti kada purok.
Mainaig iti daytoy, nagyamanan ni Mayor Romel Labasan ti Sangguniang Panlalawigan ti panagbisitada ti lokal a gobierno nga indauloan ni Vice Governor Matthew Marcos Manotoc.
Kabyatan ti panagbisitada, ginundawayan daytoy ni Mayor Labasan tapno idadnon dagiti sumagmamano a kasapulan nga urnosen iti ili ken kasta payen dagiti kasapulan dagiti umili.
Pakairamanan kadagitoy ket ti panangipakaammo ti pannakaipaay ti farm equipments ken ti pannakaipaay ti umno a mapaglakwan dagiti tobacco planters.
Iti met biang ni Vice Mayor Francis Bumanglag, impannakkelna ti naaramidanen ti legislative body ken ti idadauloanna a League of the Philippines no sadinno a kinunana nga adda ti e-legislative a dakkel a makatulong kadagiti tunggal lokal a gobierno.
