LAOAG CITY – Natiliw ti sumurok 400 nga indibidual idiay France gapu iti agtultuloy a tignay protesta nga idadauloan dagiti estudiante ti High School.
Gapu iti daytoy, adu kadagiti nasao a menor de edad ket temporario a naibalud.
Iti agdama, agtultuloy dagiti serye ti protesta kadagiti sumagmamano a high school campuses, no sadinno rinibu nga estudiante ti mangiwaywayat ti rally.
Ikkis dagiti nasao ng estudiante ti limitado a campus resources ken kadagiti maipagarup bumabbaba nga school conditions kadagiti pagadalan iti nasao a pagilian.
Kabayatanna, nangrugi ti protesta idiay Ile-de-France region iti aglawlaw ti Paris, no sadinno nagtultuloy pay daytoy kadagiti nagduduma a siudad ti pagilian.
Segun iti French Education Ministry, dagiti serye ti demonstrasion ket nakaapektar kadagiti regular operations ti agingga 400 a pagadalan kadagiti sumagmamano a lugar iti France.
