LAOAG CITY – Indiaya ti Marcos administration ti P2.412 billion iti babaen ti 2027 national budget tapno masuportar ti 501,253 a micro, small, and medium enterprises (MSMEs) iti intero a pagilian.
Daytoy ket kas paset ti inisiatibo tapno mapaimbag ti productivity, mapapigsa dagiti negosio ken mapalawa ti access-da iti domestic ken global markets.
Basar iti Department of Budget and Management a ti gakat a pondo ket para iti MSME Development Program iti Department of Trade and Industry (DTI).
Gagem ti programa a maipaayan dagiti entrepreneurs wenno negosiante ti access iti business support services, equipment, financing ken market opportunities.
Iti babaen ti gakat a 2027 national budget, P937.397 million ti gatad ti maipapan iti locally funded projects a direkta a makatulong kadagiti negosiante.
Mainaig iti daytoy, P472.468 million ti mapan iti Negosyo Centers, P464.929 million para iti Shared Service Facilities Project, kabayatan a P288.520 million ti mapan iti Rural Agro-Enterprise Partnership for Inclusive Development and Growth Project ken PHP840.170 million para iti Pondo sa Pagbabago at Pag-Asenso Program of the Small Business Corporation.
